BERE/BEREN/EUREN BURUA

Neure buruari galdetzen diot esango dugu, eta ez Nire buruari galdetzen diot.

Hirugarren pertsonan, horrela gomendatzen dute erabiltzea:

Singularrean BERE

Harrikoa egiten hasi baino lehen, bainugelara doa, eta ispiluan begiratzen dio BERE buruari luzaroan.

Pluralean BEREN, edo EUREN

Marinelek, ikarak zoraturik, kareletik botatzen zuten BEREN burua; esklaboek ez, arraunetara kateaturik zeuden-eta.

Gazteizen euskaldundutako hiztunek lekuz kanpo ikusi ohi dute EUREN burua Gipuzkoako edo Bizkaiko euskaldunekin elkartzen direnean.

BURUA singularrean erabiltzea gomendatzen dute: geure buruari, zeuen buruari, edo beren buruari, eta ezgeure buruei, zeuen buruei, edo beren buruei. Hala ere, ez da okerra pluralean erabiltzea.

Morfosintaxiaren inguruko zalantzak eta argibideak. Patxi PetrirenaI